Auf daß alle Nichthessen jetzt mal richtig schwitzen....

Einem hochqualifizierten Team hervorragendster Professoren und Sprachwissenschaftler ist es nunmehr gelungen, die einfache, aber kaum verständliche Babbelschbraach unserer Kunden im hessischen Ausland zu analysieren. Diesem Team ist es erstmals gelungen, eine auch für diese Spezies verständliche Bedienungsanleitung für Computer zu erstellen. 

Computer-Anleitung auf hessisch: 

Kombjuder-Eischald-Zeddel Fer Auswerddische bei de EITITI 

Kabiddel 1 Saft druff: 
Am Kasde unnerm Scherm de reschde Knobb neidrigge bisser eirast.

Ufbasse: 
Es huubt. Huubts net: Gibts net, noch net bassiert. (Knobb muss !!! drinbleiwe)

Des Bernsche - wo links newer dem Knobb wo mer neidrigge muss leit - iss die Bern wo brenne muss, damit mer waas, dass des Ding Saft hot. (Wenn die Bern net brennt, hot des Ding kaan Saft.) Dann: Net lang maule, erst gugge ob die - die hinne aus dem Ding wo der Knobb draa iss, den mer neidrigge muss - in dere Dohs drinsteggt, die mit dem wwerlandwerg zusammehengt. Iss die Schnur draa, dann aaner rufe, der die Bern zum brenne bringt. 

Kabiddel 2: Umschald-Knobb drigge: 
Der Knobb - der wo uff dem annern Ding, wo all die annern Knebb aach druff sinn - der wo zwaa Pfeilscher owwe druff hot unn wo die grie Bern unnedrunner iss, runnerdrigge. (Nur aamohl!) Brennt die grien Bern, isses gut! Brennt se net, aach. 

Kabiddel 3: Aamelde: 
Eigewwe von dene Knebb - die wo uff dem annern Ding druff sinn, do wo aach der Knobb mit denen zwaa Pfeilscher unn dere grie Bern druff iss - die Knebb drigge, die mer drigge muss, wemmer sisch aamelde will. Des haasd: Mer muss die Knebb drigge, wie mer haasd. Driggt mer die falsche Knebb, haasd mer net so. Des haasd: Mer muss unbedingt die rischdische Knebb drigge. 

Kabiddel 4: Aagemeld: 
Wemmer drinn sinn, SCHAFFE!!! 

Kabiddel 5: Abschalde: 
Uff de Scherm gugge, awwer konsegwent unn wadde bisses gracht odder die Uhr schdehd. Dann: Zusammepagge unn nix wie haam. 

Zurück zur Witzeseite     Zurück zur Startseite     Diesen Witz drucken

Diese Seite © 2001 Günter Schw@ninger

Stand: 18.10.2001

Diese Seite ist Teil von Günters Heimseite. Die Einstiegsadresse lautet http://schwaninger.org. Bitte verwenden Sie ausschließlich diese Einstiegsadresse, weil sich die Adresse der gerade sichtbaren Seite jederzeit ohne Vorwarnung ändern kann.